Ҳокон Фидон, вазири корҳои хориҷии Туркия аз ҷомеаи ҷаҳонӣ даъват кард, ки барои қатъи амалиёти низомии Исроил дар минтақа ва пешгирӣ аз густариши танишҳо иқдом кунад.

Фидон рӯзи душанбе дар нишасти хабарӣ пас аз мулоқоти сеҷонибаи Макка дар Истанбул гуфт, ки Бенямин Нетаняҳу, нахуствазири Исроил, ба гуфтаи ӯ, ба яке аз омилҳои асосии таҳдид ба амнияти минтақа ва байналмилалӣ табдил шудааст.

Вай аз ҷомеаи ҷаҳонӣ хост, то барои боздоштани сиёсати режими Исроил ва пешгирӣ аз идомаи хушунатҳо чораҳои муассир андешад.

Вазири хориҷаи Туркия ҳамчунин, таъкид кард, ки ҷомеаи байналмилалӣ бояд барои коҳиши паёмадҳои низоъ ба минтақа, худи Исроил ва мардуми он талош кунад.

Фидон дар бахши дигари суханронии худ ба Паймони Макка ишора карда, гуфт, ки Туркия дар ҳамкорӣ бо шарикони худ ва бар асоси таҷрибаи низоъҳои гузашта барои ташаккули як дурнамои муштарак талош мекунад.

Ба гуфтаи ӯ, ин ҳамкорӣ метавонад ба коҳиши номуайянӣ дар минтақа мусоидат кунад ва Туркия онро яке аз омилҳои калидии таҳкими субот ва сулҳ медонад.

Dialog.tj