Бинобар иттилои маркази матбуоти Вазорати фарҳанги Ҷумҳурии Тоҷикистон, имрӯз, 26-уми август дар саҳни Театри давлатии академии опера ва балети ба номи Садриддин Айнӣ бахшида ба ҷашни 35-солагии Истиқлоли давлатии Ҷумҳурии Тоҷикистон чорабинии тантанавӣ баргузор мегардад.

Иттилоъ дода мешавад, ки дар доираи чорабинӣ намоиш-фурӯши китобҳои тозанашри муассисаҳои табъу нашри Вазорати фарҳанги Ҷумҳурии Тоҷикистон доир карда мешавад.

Манбаъ навиштааст, ки дар намоиш-фурӯши китобҳо беҳтарин намунаҳои осори адибони классик ва муосири ватаниву хориҷӣ, ки аз ҷониби муассисаҳои нашриявии «Адиб», «Ирфон», «Энсиклопедияи миллии тоҷик» ва «Адабиёти бачагона» ба табъ расидаанд, пешниҳод мегардад.

Гуфта мешавад, ки намоиш-фурӯши китобҳо соати 09:00 оғоз мегардад.

Dialog.tj