Вазорати корҳои хориҷии Ҷумҳурии Тоҷикистон ба намояндагӣ аз ҳукумати ин кишвар, дар пайи талафоти сангини ҷонӣ бар асари лағжиши замин дар шаҳри Чонгчини Ҷумҳурии Мардумии Чин, ба ҳукумат ва мардуми ин кишвар изҳори ҳамдардӣ кард.

Дар эъломияе, ки Вазорати корҳои хориҷии Тоҷикистон рӯзи 31-уми июл нашр кардааст, омадааст, ки ин кишвар дар ин лаҳзаҳои душвор бо хонаводаҳо ва наздикони қурбониён изҳори ҳамдардӣ намуда, барои онҳо сабр ва барои осебдидагон шифои оҷил ва комил орзу мекунад.

Қаблан, расонаҳои байналмилалӣ бо нашри гузоришҳо аз рух додани лағжиши замин дар Чин ва ҳалокати беш аз 51 нафар ин рӯйдоди табиӣ хабар дода буданд.

Dialog.tj