Қосим ал-Убудӣ, мушовири амнияти миллии Ироқ, бо муттаҳам кардани Украина ба дахолат дар Ироқ гуфтааст, ки иттилооти тоза ба ин мавзуъ ишора дорад.

Шабакаи “Ал-Ҷазира” субҳи рӯзи сешанбе, 28-уми июл, гузориш додааст, ки Қосим ал-Убудӣ ин мавзуъро дар як расонаи маҳаллии ироқӣ матраҳ кардааст.

Бар асоси гузориш, ӯ гуфтааст, ки “ҳастаҳои вобаста ба Украина” амалиёти бомбгузорӣ алайҳи таъсисоти давлатии Ироқро анҷом додаанд.

Ал-Убудӣ гуфтааст: “Мо гурӯҳи кӯчаке аз афродро боздошт кардем, ки эътироф карданд барои Украина кор мекарданд. Онҳо бархе аз таъсисоти давлатии Ироқро бо бомбгузорӣ ҳадаф қарор доданд”.

Бо ин ҳол, ӯ дар ин замина тавзеҳи бештаре надодааст ва Украина низ то кунун ба таври расмӣ дар бораи изҳороти ин мақоми ироқӣ мавзеъе нагирифтааст.

Dialog.tj