Қатар дар пайи ду ҳамлаи ахири Эрон, дар номае ба дабири кулли Созмони Милали Муттаҳид ва раиси Шурои Амнияти ин созмон, хостори таваққуфи фаврии ҳамлаҳои Эрон ба хоки ин кишвар шудааст.

Шабакаи “Ал-Ҷазира” рӯзи сешанбе, 21-уми июл, гузориш додааст, ки Қатар дар ин нома ҳамлаҳои ёдшударо бо шадидтарин лаҳни мумкин маҳкум карда, ҳамчунин, хостори пардохти ҷуброн аз сӯйи Эрон шудааст.

Қатар ҳамчунин, гуфтааст, ки ҳаққи посух додан ба ин ҳамлаҳоро ба ҳар шевае, ки муносиб бидонад, барои худ маҳфуз медонад.

Бар асоси ин гузориш, нахустин ҳамла 7-уми июл рух додааст: замоне ки як киштии қатарӣ талош мекард аз тангаи Ҳурмуз убур кунад ва ҳадафи ҳамла қарор гирифт.

Рӯйдоди дувум низ ба ҳамлаи мушакии болистикии Эрон ба Қатар дар 12-уми июл марбут мешавад. Ба навиштаи расонаҳои Қатар ин мушакҳо раҳгирӣ шудаанд.

Dialog.tj