Ҷей Ди Вэнс, муовини раиси ҷумҳури Амрико, Исроилро муттаҳам кардааст, ки аз корзорҳое бо ҳадафи ноком кардани музокирот миёни Вашингтон ва Теҳрон барои поён додан ба ҷанг, ҳимояти молӣ мекунад.

“Ал-Ҷазира” рӯзи панҷшанбе, 16-уми июл, гузориш додааст, ки Вэнс гуфтааст як барнома “тарҳрезишуда ва бо буҷети калон” талош дорад музокиротро барҳам занад ва монеъи дастёбӣ ба тавофуқ шавад.

Вэнс гуфтааст: “Гурӯҳе аз афрод, ки ба таври мустақим аз сӯйи яке аз аъзои пешини ситоди интихоботии Трамп пул дарёфт кардаанд: шахсе, ки худ низ аз бархе унсурҳо дар дохили давлати Исроил пул гирифта буд. Ҳамин афрод башиддат ба ман ҳамла мекунанд”.

Ӯ ҷузъиёти бештари ин иддаоҳоро ироа накардааст ва мақомоти исроилӣ низ то кунун ба изҳороти муовини раиси ҷумҳури Амрико вокунише нишон надодаанд.

Ин изҳорот дар ҳоле матраҳ мешавад, ки талошҳои дипломатӣ барои поён додан ба ҷанг ва дастёбӣ ба тавофуқ миёни Амрико ва Эрон то кунун ба натиҷа нарасида ва даргириҳо миёни ду тараф дар рӯзҳои ахир афзоиш ёфтааст.

Dialog.tj