Доналд Трамп, раиси ҷумҳури Иёлоти Муттаҳидаи Амрико, иддао кардааст, ки Вашингтон ду рӯз пеш бо Эрон ба як тавофуқ даст ёфта буд, аммо Теҳрон хостори идомаи музокирот дар бораи он шудааст.

“Ал-Ҷазира” шаби душанбе, 13-уми июл, гузориш додааст, ки Трамп дар посух ба пурсише дар бораи имкони дастёбӣ ба роҳи ҳалли дипломатӣ бо Эрон гуфтааст, ҳаргиз ба ин натиҷа нарасидааст, ки музокирот дигар имконпазир нест.

Ба иддаои Трамп, Эрон пас аз дастёбӣ ба тавофуқ, хостори гуфтугӯҳои бештар дар бораи амалишавии он шудааст.

Раиси ҷумҳури Иёлоти Муттаҳида, ҳамчунин, иддао кардааст, ки муассиртарин роҳ барои афзоиши фишор бар Эрон, истифодаи ҳамзамони муҳосира ва ҳамлаҳои низомӣ аст.

Ин изҳорот дар ҳоле матраҳ мешавад, ки танишҳо миёни Эрон ва Иёлоти Муттаҳида дар рӯзҳои ахир афзоиш ёфта, ду тараф ҳамлаҳои мутақобилеро алайҳи якдигар анҷом додаанд.

Dialog.tj