Бинобар иттилои Раёсати Вазорати корҳои дохилӣ дар шаҳри Душанбе, давоми шаш моҳи соли равон аз ҷониби кормандони самти кор бо ноболиғони милитсияи пойтахт ҳашт ҳолати муноқишаи гурӯҳии ноболиғон пешгирӣ гардида, дар умум 53 нафар ноболиғ дар ҷойи ҳодиса дастгир гардиданд.

Манбаъ меафзояд, ки аз ноболиғоне, ки қасди содир намудани ҷинояти авбоширо доштанд, 10 адад корди гуногунтамға мусодира карда шуд.

Иттилоъ дода мешавад, ки нисбат ба волидони ҳамаи ин ноболиғон тибқи талаботи моддаи 90 КҲМ Ҷумҳурии Тоҷикистон протоколи маъмурӣ тартиб дода шуда, дар натиҷаи баргузории судҳои сайёр ҷаримаи маъмурӣ татбиқ карда шуд.

“Маҳз вокуниши саривақтии кормандони милитсия боис гардид, ки ин муноқишаҳо сари вақт ошкор гардида, аз содиршавии ҷиноятҳои авбошӣ бо оқибатҳои вазнин пешгирӣ карда шавад”, - навиштааст манбаъ.

Dialog.tj