Наздик ба 200 нафар аз дипломатҳои собиқи Канада хостори ҷорӣ намудани таҳримҳо бар зидди Исроил шуданд.

Ба гузориши расонаҳои байналмилалӣ наздик ба 200 нафар аз дипломатҳои давлатӣ ва собиқи Канада бо ирсоли номае ба давлати ин кишвар, хостори ҷорӣ намудани таҳримҳо бар зидди Исроил ва бознигарӣ дар созишномаи тиҷорати озод миёни ду тараф шуданд.

Ин мавзеъгирии бесобиқа аз сӯи ҷомеаи дипломатӣ ва сиёсатмадорони Канада дар замони авҷи фишорҳои байналмилалӣ бар Тел-Авив ва афзоиши интиқодҳои афкори умумии дохили Канада нисбат ба сиёсатҳои ин кишвар шакл гирифтааст.

Имзокунандагони ин нома, ки ба он сафирон ва кордорони собиқи ин кишвар дар нуқоти мухталифи ҷаҳон ҳастанд, муътақиданд тавофуқномаи тиҷорати озод миёни Канада ва Исроил (CIFTA), ки аз соли 1997 иҷро мешавад ва дар соли 2019 тамдид ёфтааст, набояд шомили молҳо ва хадамоти тавлидшуда дар шаҳракҳои ғайриқонунии Каронаи Бохтарӣ шавад.

Аз назари таҳлилгарони сиёсӣ ин иқдом нишондиҳандаи як чархиш дар сиёсати хориҷии Канада аст.

Гуфтанист, ки Канада яке аз муттаҳидони наздики Исроил дар Ғарб ба шумор меравад.

Dialog.tj