Расонаҳои байналмилалӣ гузориш додаанд, ки Садио Камара, вазири мудофиаи Малӣ дар ҳамлае аз сӯи шӯришиён кушта шудааст.

Рейтерз рӯзи якшанбе, 26-уми апрел гузориш додааст, ки ин мақоми баландпояи низомӣ замоне ҳадаф қарор гирифта, ки тазоҳургарон хонаи ӯро дар пойтахти ин кишвар ҳадафи ҳамла қарор додаанд.

Дар баёнияи ҳукумати Малӣ омадааст, ки ин ҳамла тавассути афроди мусаллаҳ анҷом шуда ва ҷузъиёти бештаре дар бораи чигунагии он ироа нашудааст.

Бар асоси гузоришҳо, шохаи гурӯҳи террористии “Ал-Қоида” дар Ғарби Африқо масъулияти ин ҳамларо бар уҳда гирифтааст.

Ин рӯйдод дар ҳоле рух медиҳад, ки Малӣ дар солҳои ахир бо афзоиши ҳамлаҳои гурӯҳҳои мусаллаҳи вобаста ба “Ал-Қоида” ва ДОИШ дар минтақаи Соҳили Африқо рӯ ба рӯ будааст: ҳамлаҳое, ки ба бесуботии густарда дар ин кишвар сабаб шудааст.

Dialog.tj