Имрӯз, 8-уми апрел Вазорати корҳои хориҷаи Ҷумҳурии Тоҷикистон баъд аз иқдоми оташбаси дуҳафтаинаи ҷанг, ки байни Ҷумҳурии Исломии Эрон ва Иёлоти Муттаҳидаи Амрико ба даст омадаанд, изҳорот нашр намуда, аз ин иқдом истиқболи Ҷумҳурии Тоҷикистонро иброз намуд.

Дар ин изҳорот гуфта мешавад: “Умедворем, ки музокираҳои дар рӯзҳои наздик байни тарафҳои низоъ пешбинишуда ба сулҳи дарозмуддат ва ҳамаҷониба дар минтақа оварда мерасонанд.

Боварӣ дорем, ки ин низоъ роҳи ҳалли низомӣ надорад ва идомаи он танҳо вазъи мураккаби Ховари Миёнаро боз ҳам сангинтар мегардонад ва ба ҳамаи кишварҳои минтақа зарари ҷиддӣ хоҳад расонд”.

Дар охир омадааст: “Тоҷикистон бори дигар аз тарафҳои низоъ даъват ба амал меорад, ки аз истифодаи қувваи низомӣ даст кашида, роҳҳои сиёсӣ-дипломатиро дар асоси меъёрҳои бунёдии ҳуқуқи байналмилалӣ ва Низомномаи СММ ба кор гиранд”.

Dialog.tj