Як расонаи Кореяи Ҷанубӣ ба нақл аз қонунгузорони ин кишвар, муддаӣ шуд, ки Пхенян вориди марҳилаи таъйини ҷонишинии Ким Чжу Э, духтари Ким Чен Ин раҳбари Кореяи Шимолӣ шудааст.

Хабаргузории “Юнҳап” ба нақл аз Порк Сан-Вон ва Ли Сонг-Квон, намояндагони Маҷлиси Кореяи Ҷанубӣ, навишт: “Созмони иттилоотии ин кишвар имрӯз (панҷшанбе) дар Маҷлиси Кореяи Ҷанубӣ эълом кард, ки Пхенян вориди марҳилаи таъйини Ким Чжу Э, духтари Ким Чен Ин, раҳбари Кореяи Шимолӣ, ба унвони ҷонишини вай шудааст.

Ли бо ишора ба ҳузури Ким Чжу Э дар солгарди таъсиси артиши Кореяи Шимолӣ ва Қасри Хуршед “Кимсусан” ва изҳори назарҳое дар бораи бархе сиёсатҳои давлати Пхенян, афзуд: “Хадамоти иттилооти миллии Кореяи Ҷанубӣ муътақид аст, ки вай (Ким Чен Ин) акнун вориди марҳилаи таъйини ҷонишин шудааст.

Вай тасреҳ кард, ки арзёбии ахири ин ниҳоди Кореяи Ҷанубӣ нишон медиҳад, Ким Чен Ин аз марҳилаи “омӯзиш” барои ҷонишин ба марҳилаи “таъйини ҷонишин” расидааст.

Dialog.tj