Имрӯз, 9-уми декабр Президенти Ҷумҳурии Тоҷикистон муҳтарам Эмомалӣ Раҳмон дар деҳаи Регари шаҳри Турсунзода Муассисаи таҳсилоти миёнаи умумии № 23-ро мавриди истифода қарор доданд.

Иттилоъ дода мешавад, ки иншооти мазкур дорои 20 синфхонаи муҷаҳҳаз бо муҳимтарин лавозимоти хониш буда, барои 1056 хонанда дар ду баст пешбинӣ шудааст.

Гуфта мешавад, ки Муассисаи таҳсилоти миёнаи умумии № 23 бо кабинетҳои фаннии химия, биология, физика, география, таълими меҳнат, омодагии ибтидоии ҳарбӣ ва технологияи иттилоотӣ мутобиқ ба талабот таъмин мебошад.

Инчунин, муассисаи мазкур дорои майдончаи варзишӣ барои бозии футбол, волейбол ва баскетбол, ошхона ва дигар иншооти ёрирасон мебошад.

Таъкид мегардад, ки иншоот дар идомаи ташаббусҳои раҳнамунсози Роҳбари давлат дар самти беҳсозии фазои таълиму тарбия ва рушди соҳаи илму маориф бо саҳми сокинон ва соҳибкорони саховатпешаю ватандӯст сохта шудааст.

Dialog.tj