Як рӯзномаи британиягӣ мулоқоти эҳтимолии Доналд Трамп ва Владимир Путин дар Будапешти Аврупоро “зарбаи сахт” ба Аврупо номидаааст.

Рӯзномаи “Телеграф”-и чопи Лондон навишт, ки интихоби Маҷористон ба ҳайси макони мулоқоти ин ду роҳбар Иттиҳоди Аврупоро норозӣ кардааст, зеро ин созмон аз музокироти сулҳи Украина канор монда ва дар тарҳи сулҳи Ғазза нақши ночиз иҷро намудааст.

Тибқи навишти рӯзнома интихоби Маҷористон фақат бо иллати робитаҳои наздики сарвазири ин кишвар Виктор Орбан бо Трамп ва Путин нест, балки ба он вобаста аст, ки Будпешт аз Додгоҳи ҷиноии байналмилалӣ хориҷ шудааст.

Иттиҳоди Аврупо замоне Маҷористонро барои гуфтугӯ бо Русия “мавриди танқид” қарор дода буд, вале ҳоло Доналд Трамп ин кишварро дубора ба маркази сиёсатҳои ҷаҳонӣ боз гардондааст.

Ин иқдом, ба навиштаи рӯзномаи “Телеграф” як пирӯзии бузург барои Орбан ба шумор меравад, зеро ӯ ҳоло ба ҳайси як миёнҷии муҳимми сулҳ дар ҷаҳон шинохта мешавад.

Дар поёни матлаб рӯзнома бо лаҳни тамсилии хос навиштааст: “Орбан эҳсос мекунад, гӯё гурбае бошад, ки тозатарин ва болаззаттарин косаи яхмосро хӯрдааст”.

Чанде қабл расонаҳо хабар доданд, ки эҳтимолан Путин ва Трамп доир ба ҷанги Украина дар Будапешт дидор хоҳанд кард.

Dialog.tj