Шоҳин Самадӣ, сухангӯи Вазорати корҳои хориҷии кишвар хабар дод, ки дар асоси супориши Президенти Ҷумҳурии Тоҷикистон муҳтарам Эмомалӣ Раҳмон ба мардуми аз заминларза зарардидаи Афғонистон кумак равона гардид.

Манбаъ менависад, ки имрӯз, 8-уми сентябр дар доираи тадбирҳои башардӯстона ва супориши Президенти кишвар муҳтарам Эмомалӣ Раҳмон корвони мошинҳо бо кумаки башардӯстонаи Ҳукумати Ҷумҳурии Тоҷикистон ба мардуми аз заминларза зарардидаи Афғонистон ба роҳ баромад.

Гуфта мешавад, ки беш аз 100 мошини боркаш бо тақрибан 3000 тонна кумаки башардӯстона ба Афғонистон раҳсипор шуданд.

Афзуда мешавад, ки Ҳукумати Тоҷикистон бо дарназардошти ҳолати зарардидагон маводи ғизо, либос, масолеҳи сохтмонӣ, хайма, рахти хобу болопӯши зимистона, оби нӯшокӣ, ангиштсанг ва дигар ашёи заруриро ҳамчун кӯмаки башардӯстона ба мардуми зарардидаи Афғонистон ирсол намуд.

Dialog.tj