Тавре ки маркази матбуоти Вазорати корҳои дохилии Ҷумҳурии Тоҷикистон хабар медиҳад, Рамазон Раҳимзода, вазири корҳои дохилӣ бо Ган Сзянхуа, раиси ширкати Huawei дар минтақаи Ховари Миёна ва Осиёи Марказӣ вохӯрӣ намуд.

Ба иттилои манбаъ, зимни вохӯрӣ ҷонибҳо масъалаҳои таҳия ва татбиқи технологияҳои нав, рақамикунонӣ дар Ҷумҳурии Тоҷикистон ва зеҳни сунъиро мавриди баррасӣ қарор доданд.

Инчунин, масъалаҳои тақвият бахшидани ҳамкории муштарак вобаста ба татбиқ намудани марҳилаи дуюми лоиҳаи «Шаҳри бехатар», васл кардани барномаҳои нав, шинохтани чеҳра, муайян кардани рақами қайди давлатии воситаҳои нақлиёт ва ғайраҳо матраҳ гардиданд.

Гуфта мешавад, ки тарафҳо ба мувофиқа расиданд, ки мутахассисони Вазорати корҳои дохилии Ҷумҳурии Тоҷикистонро дар Ҷумҳурии Мардумии Чин ба бозомӯзӣ фаро гирифта шаванд.

Dialog.tj