Имрӯз мулоқоти корӣ миёни Президенти Ҷумҳурии Тоҷикистон Эмомалӣ Раҳмон ва Президенти Ҷумҳурии Қирғизистон Садир Жапаров дар шаҳри Чолтон-Отаи Ҷумҳурии Қирғизистон доир гардид.

Дар ҷараёни ин мулоқоти муҳимми сатҳи олӣ ҷонибҳо вазъи кунунӣ ва дурнамои муносибатҳои дӯстона ва ҳамкориҳои гуногунҷанбаи Тоҷикистон ва Қирғизистонро мавриди баррасии ҳамаҷониба қарор доданд. Зимни суҳбат, натиҷаҳои сафарҳои давлатии ахири ҳар ду президент ба кишварҳои ҳамдигар низ таҳлил гардид, ки ин сафарҳо ба таҳкиму рушди робитаҳои дуҷониба мусоидат кардаанд.

Сарони кишварҳо таъкид намуданд, ки густариши минбаъдаи ҳамкориҳои тиҷоративу иқтисодӣ, нақлиётӣ ва сармоягузорӣ барои рушди ҳар ду кишвар аҳамияти хос дорад. Дар паҳлуи ин, ба раванди демаркатсияи хатти сарҳади давлатӣ миёни Тоҷикистон ва Қирғизистон таваҷҷуҳи махсус зоҳир карда шуд, ки ҳадафи он таъмини сулҳу субот ва ҳамдигарфаҳмии пойдор дар минтақа мебошад.

Дар фарҷоми мулоқот сарони ду кишвар ҳамзамон перомуни масъалаҳои муҳимми минтақавӣ ва байналмилалӣ мубодилаи афкор намуданд. Ин мулоқот яке аз марҳилаҳои муҳимми таҳкими робитаҳои дӯстона ва эътимоди тарафайн миёни Тоҷикистон ва Қирғизистон арзёбӣ мегардад.

Dialog.tj