РУС ТОҶ
27 Сентябр 2026,
якшанбе, 20:15, Душанбе
Диалог. Тоҷикистон ва ҷаҳон
РУС ТОҶ
Сиёсати хориҷӣ
17.07.2025 09:24

Сироҷиддин Муҳриддин дар ҷаласаи Созмони ҳамкории Шанхай ширкат намуд

Рӯзҳои 14-15-уми июли соли 2025 Вазири корҳои хориҷии Ҷумҳурии Тоҷикистон Сироҷиддин Муҳриддин дар ҷаласаи Шурои вазирони корҳои хориҷии кишварҳои аъзои Созмони ҳамкории Шанхай, ки дар шаҳри Тянҷини Ҷумҳурии Мардумии Чин доир гардид, иштирок намуд. Дар ин бора хадамоти матбуоти Вазорати корҳои хориҷии Тоҷикистон хабар медиҳад.

Дар ҷараёни ҷаласа роҳбарони вазоратҳои корҳои хориҷии кишварҳои аъзо масъалаҳои омодагӣ ба ҷаласаи ояндаи Шурои сарони давлатҳои Созмони ҳамкории Шанхай, ки тирамоҳи соли равон дар назар аст, мавриди баррасии амиқ қарор доданд. Ҷонибҳо ҳамчунин, дар робита ба самтҳои афзалиятноки ҳамкориҳои давлатҳои аъзо дар шароити нави ҷаҳонӣ ва масъалаҳои муҳимми байналмилалӣ ва минтақавӣ мубодилаи афкор анҷом доданд.

Сироҷиддин Муҳриддин дар суханронии худ мавқеи Тоҷикистонро доир ба масъалаҳои мубрами рӯзномаи Созмони ҳамкории Шанхай изҳор дошта, таваҷҷуҳро ба таъмини амнияту субот, рушди устувори иқтисодӣ дар минтақа ва пешбурди амалӣ доир ба такмили фаъолияти созмон равона сохт.

Дар фарҷоми ҷаласа лоиҳаҳои Эъломияи Тянҷин аз номи Шурои сарони кишварҳо Стратегияи рушди Созмони ҳамкории Шанхай то соли 2035 ва дигар қарорҳою изҳоротҳои муштарак ҳамчун асос барои баррасии минбаъда қабул гардиданд.

Дар доираи ҷаласаи мазкур роҳбарони сохторҳои корҳои хориҷӣ бо Президенти Ҷумҳурии Мардумии Чин Си Ҷинпин низ мулоқот анҷом доданд.

Dialog.TJ

Хатти хабарҳо

Матолиби ҷолиб дар ВАО
26.09.2026 19:14

Фишори Трамп ба Зеленский барои дидор бо Путин дар Маскав

Доналд Трамп, раиси ҷумҳури Иёлоти Муттаҳида, аз Владимир Зеленский, раиси ҷумҳури Украина, хостааст барои мулоқот бо Владимир Путин ва талош барои азсаргирии музокироти сулҳ ба Маскав сафар кунад.
Фарҳанг
26.09.2026 12:39

Сумбул Лутфуллоева: “Барои ба дил расидан, дардро бояд ҳис кард”

Сумбул Лутфуллоева метавонист имрӯз муҳандис-технолог бошад, аммо муҳаббат ба сурудхонӣ ӯро ба саҳна овард. Ӯ Академияи давлатии Маскавро хатм кардааст, аммо имрӯз дар Консерваторияи миллии Тоҷикистон таҳсил мекунад ва роҳи худро дар ҷаҳони мусиқӣ мекобад. Финалисти Озмуни «Мисс Душанбе» ва барандаи ҷойи сеюми Озмуни ҷумҳуриявии «Тоҷикистон — Ватани азизи ман» аст.
Ҷаҳон
26.09.2026 12:24

Афви байналмилал: нодида гирифтани ҳукми боздошти Нетаняҳу аз сӯйи ИМА шармовар аст

Созмони Афви байналмилал мегӯяд, дар ҳоле ки Бенямин Нетаняҳу, нахуствазири Исроил, ба иттиҳоми ҷиноятҳои ҷангӣ ва ҷиноятҳо алайҳи башарият таҳти пайгарди Додгоҳи байналмилалии ҷиноӣ қарор дорад, ӯ ба ҷойи ҳозир шудан дар додгоҳ дар Маҷмаи умумии Созмони Милали Муттаҳид дар Ню-Йорк суханронӣ мекунад.
Ҷаҳон
26.09.2026 10:08

Гутерриш: “Ҳатто пас аз поёни маъмуриятам аз сулҳ ва каромати инсонӣ ҳимоят хоҳам кард”

Антониу Гутерриш, дабири кулли Созмони Милали Муттаҳид, эълон кардааст, ки ҳатто пас аз поёни маъмурияташ ба ҳайси дабири кулли ин созмон, ба ҳимоят аз сулҳ, каромати инсонӣ ва волоияти қонун идома хоҳад дод.
Афғонистон
26.09.2026 10:02

Ҷабҳаи озодии Афғонистон аз кушта ва захмӣ шудани панҷ ҷангҷӯйи Толибон дар Сарипул хабар дод

Ҷабҳаи озодии Афғонистон эълон кардааст, ки дар пайи ҳамлаи низомии неруҳои ин ҷабҳа дар вилояти Сарипули Афғонистон, панҷ ҷангҷӯйи Толибон кушта ва захмӣ шудаанд.
Сиёсати хориҷӣ
25.09.2026 18:20

Сарвари давлат ба Қосим-Жомарт Токаев барқияи изҳори тасаллӣ ирсол намуданд

Имрӯз, 25-уми сентябр Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба президенти Ҷумҳурии Қазоқистон Қосим-Жомарт Токаев барқияи изҳори тасаллӣ ирсол намуданд.