Дар гузориши ахире, ки расонаҳои Исроил ва сарчашмаҳои дигари иттилоотӣ нашр кардаанд, шумораи воқеии талафоти ҷонии Исроил дар ҷанги 12-рӯза бо Эрон ва неруҳои муттаҳиди он ошкор гардид.  Дар ин бора рӯзномаи “Иттилоот” –и Эрон бо такя ба расонаҳои хориҷӣ гузориш дод.

Бар асоси иттилои нашршуда дар натиҷаи ҳамлаҳои мушакии Эрон ба хоки Исроил 805 низомии исроилӣ ба ҳалокат расидаанд:

6 генералӣ аршади артиш;

32 афсари хадамоти махфии “Моссад”;

78 афсари амниятии Шин Бет;

27 афсари неруҳои баҳрӣ;

198 афсари неруҳои ҳавоӣ;

462 сарбоз;

11 донишманди соҳаи атомӣ.

Ин иттилот баъди он ошкор шуд, ки як гурӯҳи хакерӣ тавонист ба сомонаи расмии исроилӣ ворид шуда, феҳристи талафотро мунташир намояд. Ин дар ҳолест, ки мақомоти расмии Исроил то ба ҳол расман ин оморро тасдиқ  ё рад накардаанд, аммо расонаҳои ҷаҳонӣ бо такя ба сарчашмаҳои мустақил эълон карданд, ки ин рақамҳо наздик ба воқият мебошанд.

Дар ҳамин ҳол “Bloomberg” ҳаҷми зарари молии режими ишғолгарро дар ин ҷанг беш аз 30 миллиард доллар арзёбӣ кардааст, ки бахши калидии инфрасохтор, аз ҷумла пойгоҳҳои низомӣ ва зерсохторҳои амниятиро фаро мегирад.

Dialog.tj