Дар шаҳри Нижний Новгороди Русия дар доираи ҷаласаи кишварҳои аъзои Иттиҳоди Давлатҳои Мустақил Тоҷикистон ва Русия нақшаи сесолаи рушди ҳамкориҳо дар бахши стандартизатсия ва метрологияро ба имзо расониданд.

Ин санад чорчӯби ҳамкориҳо дар солҳои 2025 то 2027-ро танзим карда, мақсад дорад, ки ду кишвар бар асоси он корҳои муҳимро дар бахшҳои стандартизатсия ва метрология иҷро намоянд. Аз ҷумла такмили низоми техникии маҳсулот, баланд бардоштани сифати он ва тайёр кардани кадрҳои соҳавӣ.

Созишномаи мазкур аз сӯйи Раҳмон Исломиддин, директори Агентии стандартизатсия, метрология, сертификатсия ва нозироти савдои назди Ҳукумати Ҷумҳурии Тоҷикистон ва ва роҳбари Агентии федералии танзими техникӣ ва метрологияи Федератсияи Русия Антон Шалаев ба имзо расид.

Ин созишнома самтҳои васеи фаъолиятро фаро мегирад: аз ҳамоҳангсозии стандартҳои миллӣ бо меъёрҳои байналмилалӣ то бартарафсозии сарчашмаҳои тиҷоратӣ ва афзоиши иқтидори содиротии ду кишвар.

Таваҷҷуҳи махсус ба омодасозии мутахассисони соҳа ва ҷорӣ кардани таҷрибаҳои пешрафта равона шудааст ва интизор меравад ба рушди саноат ва таҳкими робитаҳои иқтисодии миёни Тоҷикистон ва Русия мусоидат кунад. Ҳамзамон иштирок дар ташаббусҳои ҳамгироии ИДМ ҳамчун як воситаи муҳимми баланд бардоштани рақобатпазирии маҳсулоти тоҷикӣ дар бозорҳои хориҷӣ арзёбӣ мешавад.

Dialog.tj