Дар шаҳри Душанбе нахустин Конфронси байналмилалии сатҳи баланд оид ба ҳифзи пиряхҳо бо ширкати беш 2500 коршиноси сатҳи баланд аз 80 кишвари ҷаҳон доир гардид.

Президенти Ҷумҳурии Тоҷикистон Эмомалӣ Рамҳон дар конфронс суханронӣ намуда, таваҷҷуҳи меҳмононро ба раванди босуръати обшавии пиряхҳо ва тағйири иқлим ҷалб намуданд. Сарвазир давлат таъкид намуданд, ки конфронс қадами муҳим дар самти татбиқи қатъномаи СММ дар бораи эълон намудани соли 2025 ҳамчун “Соли байналмилалии ҳифзи пиряхҳо” мебошад.

Сарвари кишвар бо ишора ба “тағйирёбии иқлим, коҳишёбии бесобиқаи пиряхҳо ва оқибатҳои фоҷеабори он барои аҳолии сайёра” зарур шумурданд, ки ҷомеаи ҷаҳони барои ҳалли мушкилоти мавҷуда талошҳои муштарак анҷом диҳад.

Тиқи иттилоъ, таъкид гардид, ки Тоҷикистон ҳамчун кишвари дорои бузургтарин пиряхҳои Осиёи Марказӣ бо мушкилот рӯ ба рӯ аст ва камшавии пиряхҳо на танҳо ба меросии табии мо, балки ба ҳаёти миллионҳо нафар дар минтақа таҳдид мекунад.

Сарвари давлат пешниҳод намуданд, ки бо мақсади мониторинги фарогирии пиряхҳо, ҳамчунин, барномарезӣ ва татбиқи чораҳои таъхирнопазир барои ҳифзи онҳо ҳамкории муассир бо ҳама шарикони рушд густариш дода шавад.

“Пиряхҳои Тоҷикистон на танҳо манбаи бузурги оби дарёҳои Осиёи Марказӣ ба шумор меравад, балки дар нигоҳдории устувори иқлими минтақа нақши калидиро иҷро намуда, барои ҳифзи иқлими глобалӣ низ аҳамияти муҳим доранд ва зимнан ҳолати кунунии ин пиряхҳо таҳқиқоти илмии дақиқро талаб мекунад”, – таъкид намуданд президенти кишвар.

Эмомалӣ Раҳмон бо ишора ба ҷойгир будани беш аз 60 фисади пиряхҳои минтақа дар Тоҷикистон пешниҳод намуданд, ки якҷо бо шарикони рушд ва пажӯҳишгоҳҳои илмиву таҳқиқотӣ экспедитсияи фарогири омӯзиши пиряхҳои Тоҷикистон таъсис дода шавад. Ҳамчунин, пешниҳод гардид, ки дар Тоҷикистон маркази яхшиносии минтақавӣ низ таъсис дода шавад.

Dialog.TJ