Сироҷиддин Муҳриддин, вазири корҳои хориҷии Ҷумҳурии Тоҷикистон дар нишасти мулоқоти вазирони корҳои хориҷии узви кишварҳои Иттиҳоди Давлатҳои Мустақил дар шаҳри Алмаатои Ҷумҳурии Қазоқистон ширкат ва суханронӣ намуд.

Дар нишасти вазирони корҳои хориҷии Иттиҳоди Давлатҳои Мустақил Сироҷиддин Муҳриддин гуфт, мо интизорем, ки вазирони иқтисодии кишварҳо созишномаи ҳамкории кишварҳои аъзои ИДМ дар рушди саноати мошинсозии вазнинро, ки аз сӯйи кишвари мо оғоз гардидааст, ба имзо мерасонанд.

“Дар Душанбе намоишгоҳи саноатии бузург ташкил хоҳад шуд”- афзуд Сироҷиддин Муҳриддин.

Дар нишасти Вазирони корҳои хориҷии Иттиҳоди Давлатҳои Мустақил масъалаҳои муҳимми ҳамкориҳои чанҷонибаи узви Созмон мавриди баррасӣ ва таҳлил қарор гирифт. Вазирон масъалаи таҳикими марзҳои кишварҳои узви Созмонро баррасӣ намуда, таъкид намуданд, ки чораҳои амниятӣ барои ҳифзи сарҳад пурзӯр карда шавад. Ҳамчунин, дар нишаст масъалаи ҷашни 80-солагии Ғалаба қадрдонӣ аз саҳми қурбониёни Ҷанги Бузурги Ватанӣ муҳокима гардид.

Таъкид гадид, ки дар доираи Иттиҳоди Давлатҳои Мустақил, ки 9 кишвар аъзои онанд, дар оянда низ ба рушд ва таҳкими ҳамкориҳои бисёрҷониба талош хоҳад шуд.

Dialog.tj