Агентии амрикоии расонаҳои глобалӣ хизматрасониҳои спутникӣ, ки “Радио Свобода” бо истифода аз онҳо ба Русия барнома пахш мекард, хомӯш намудааст. Дар ин хусус, президент ва директори иҷроияи “Радио Свобода” Стивен Капус хабар дод.

“Мо имрӯз ба кор омадем ва дидем, хидматрасониҳои спутникӣ, ки минтақаи Русияро фаро мегирифтанд, аз сӯйи Амрико хомӯш шудаанд” – таъкид кардааст Стивен Капус.

Ӯ гуфт, ин тасмим ба пахши шабонарӯзии барномаҳои русии телеканали “Настоящее Время” таъсир мерасонад, ки ба Русия, Украина, Осиёи Марказӣ, Шарқи Аврупо ва дигар минтақаҳо пахш мешавад.

Ёдовар мешавем, ки 14-уми март, президенти Иёлоти Муттаҳидаи Амрико қарореро содир намуд, ки бар асоси он ҳаҷми буҷет дар ҳафт агентии федералӣ, ки USAGM шомили он мешавад, кам карда мешавад. Баъди он «Голос Америка» эълон намуд, ки фаъолияти худро муваққатан боз медорад.

Dialog.tj