Дар ҷараёни мулоқоти президенти Ҷумҳурии Тоҷикистон Эмомалӣ Раҳмон ва президенти Қирғизистон қарор шуд, ки роҳбарони се кишвар дар ҷашни yаврӯзии шаҳри Хуҷанд иштирок кунанд.

Содир Ҷабборов дар мулоқот бо президенти Тоҷикистон тасдиқ намуд, ки дар ҷашни Наврӯзи Хуҷанд ширкат хоҳад кард. Дар доираи ин мулоқот президенти Қирғизистон гуфт, ки таҳкими эътимод миёни халқҳои се кишвар муҳим аст ва дар ин раванд чорабиниҳои фарҳангӣ нақши муассир доранд.

“Дар ин замина мехоҳам аҳамияти таҷлили Наврӯзро, ки 31-уми март дар Хуҷанд баргузор мегардад, таъкид кунам. Барои даъват изҳори сипос мекунам ва дар он иштирок хоҳам кард. Итминон дорам, ки таҷлили муштараки Наврӯз ба як анъанаи нек табдил хоҳад ёфт, ки рамзи сулҳ ва ваҳдати халқҳои Осиёи Миёна мебошад” – таъкид кард Содир Ҷабборов.

Бар асоси барномаи ҳукумати Тоҷикистон имсол ҷашни Наврӯз, рӯзи 31-уми март бо иштироки роҳбарони се кишвар дар шаҳри Хуҷанд баргузор мешавад.