Маъмурияти Муассисаи давлатии “Телевизони Сафина” ният доранд, ки то 20-солагии телевизиони мазкур, ки 5-уми сентябри соли ҷорӣ қайд карда мешавад, радиои “Сафина”-ро таъсис диҳанд.

Садриддин Шамсуддинзода, директори “Телевизони Сафина” имрӯз зимни нишасти матбуотӣ иброз дошт, ки вобаста ба таъсиси радиои “Сафина” соли 2024 қариб 70 фоизи корҳо амалӣ шуданд ва давоми соли равон корҳои боқимонда хотима дода мешаванд.

Ба иттилои Садриддин Шамсуддинзода дар сурати фаъол шудани радио 15 рӯзноманигор ба кори доимӣ таъмин мешаванд.

Инчунин, дар нишасти матбуотӣ гуфта шуд, ки дар давраи ҳисоботӣ 58 барнома бо теъдоди умумии 3982 шумора мунтазам дар жанрҳои гуногун таҳия ва пешниҳоди бинандагон гардида, 1780 нашри барномаи иттилоотӣ бо давомнокии 530 соати пахши мустақим рӯйи эфир омадааст.

Илова бар ин, дар давоми соли гузашта 37 филми телевизионӣ ва 18 филми ҳуҷҷатӣ таҳия шуда, 60 филми бадеӣ дар ҳаҷми зиёда аз 105 соат тарҷума ва дубляж гардидаанд.

Dialog.tj