РУС ТОҶ
27 Сентябр 2026,
якшанбе, 20:15, Душанбе
Диалог. Тоҷикистон ва ҷаҳон
РУС ТОҶ
Сиёсати дохилӣ
04.12.2024 14:32

Интихоботи парлумонии Тоҷикистон рӯзи 2-юми март баргузор мегардад

Президенти Ҷумҳурии Тоҷикистон таърихи баргузории интихоботи парлумонии Тоҷикистонро муайян кард.

Тибқи фармони президенти Ҷумҳурии Тоҷикистон Эмомалӣ Раҳмон, ки рӯзи 4-уми декабр нашр гардид, интихоботи даъвати нави вакилони Маҷлиси намояндагони Маҷлиси Олии Ҷумҳурии Тоҷикистон ва Маҷлисҳои вакилони халқи Вилояти Мухтори Кӯҳистони Бадахшон, вилоятҳо, шаҳри Душанбе ва шаҳру ноҳияҳо рӯзи 2-юми март доир мегардад.

Интихоби вакилони аъзои нави Маҷлиси миллӣ 28-уми марти соли 2025 баргузор карда мешавад.

Қобили зикр аст, ки вакилони ҳар ду палатаи парлумони Ҷумҳурии Тоҷикистон барои панҷ сол бо овоздиҳии мустақим интихоб карда мешаванд.

Охирин интихоботи вакилони парлумони Ҷумҳурии Тоҷикистон соли 2020 баргузор гардида буд.

Дар Ҷумҳурии Тоҷикистон 7 ҳизби сиёсӣ фаъолият мекунанд, ки аз 7 ҳизб 6 тои он дар парлумони Ҷумҳурии Тоҷикистон мандати вакилӣ доранд. Ҳизби Халқии Демократии Тоҷикистон аксари курсиҳои парлумонро дар ихтиёр дорад. Ҳизби сотсиалистии Ҷумҳурии Тоҷикистон, Ҳизби демократи Ҷумҳурии Тоҷикистон, Ҳизби аграрии Ҷумҳурии Тоҷикистон, Ҳизби ислоҳоти иқтисодии Ҷумҳурии Тоҷикисон ва Ҳизби комунистии Ҷумҳурии Тоҷикистон дар парлумон намоянда доранд. Ҳизби сотсиал-демократи Ҷумҳурии Тоҷикистон, ки худро ҳизби оппозитсионӣ медонад, дар ҳеч кадом интихоботҳои баргузоршуда натавонистааст, ки вориди парлумон шавад.

Dialog.tj

Хатти хабарҳо

Матолиби ҷолиб дар ВАО
26.09.2026 19:14

Фишори Трамп ба Зеленский барои дидор бо Путин дар Маскав

Доналд Трамп, раиси ҷумҳури Иёлоти Муттаҳида, аз Владимир Зеленский, раиси ҷумҳури Украина, хостааст барои мулоқот бо Владимир Путин ва талош барои азсаргирии музокироти сулҳ ба Маскав сафар кунад.
Фарҳанг
26.09.2026 12:39

Сумбул Лутфуллоева: “Барои ба дил расидан, дардро бояд ҳис кард”

Сумбул Лутфуллоева метавонист имрӯз муҳандис-технолог бошад, аммо муҳаббат ба сурудхонӣ ӯро ба саҳна овард. Ӯ Академияи давлатии Маскавро хатм кардааст, аммо имрӯз дар Консерваторияи миллии Тоҷикистон таҳсил мекунад ва роҳи худро дар ҷаҳони мусиқӣ мекобад. Финалисти Озмуни «Мисс Душанбе» ва барандаи ҷойи сеюми Озмуни ҷумҳуриявии «Тоҷикистон — Ватани азизи ман» аст.
Ҷаҳон
26.09.2026 12:24

Афви байналмилал: нодида гирифтани ҳукми боздошти Нетаняҳу аз сӯйи ИМА шармовар аст

Созмони Афви байналмилал мегӯяд, дар ҳоле ки Бенямин Нетаняҳу, нахуствазири Исроил, ба иттиҳоми ҷиноятҳои ҷангӣ ва ҷиноятҳо алайҳи башарият таҳти пайгарди Додгоҳи байналмилалии ҷиноӣ қарор дорад, ӯ ба ҷойи ҳозир шудан дар додгоҳ дар Маҷмаи умумии Созмони Милали Муттаҳид дар Ню-Йорк суханронӣ мекунад.
Ҷаҳон
26.09.2026 10:08

Гутерриш: “Ҳатто пас аз поёни маъмуриятам аз сулҳ ва каромати инсонӣ ҳимоят хоҳам кард”

Антониу Гутерриш, дабири кулли Созмони Милали Муттаҳид, эълон кардааст, ки ҳатто пас аз поёни маъмурияташ ба ҳайси дабири кулли ин созмон, ба ҳимоят аз сулҳ, каромати инсонӣ ва волоияти қонун идома хоҳад дод.
Афғонистон
26.09.2026 10:02

Ҷабҳаи озодии Афғонистон аз кушта ва захмӣ шудани панҷ ҷангҷӯйи Толибон дар Сарипул хабар дод

Ҷабҳаи озодии Афғонистон эълон кардааст, ки дар пайи ҳамлаи низомии неруҳои ин ҷабҳа дар вилояти Сарипули Афғонистон, панҷ ҷангҷӯйи Толибон кушта ва захмӣ шудаанд.
Сиёсати хориҷӣ
25.09.2026 18:20

Сарвари давлат ба Қосим-Жомарт Токаев барқияи изҳори тасаллӣ ирсол намуданд

Имрӯз, 25-уми сентябр Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба президенти Ҷумҳурии Қазоқистон Қосим-Жомарт Токаев барқияи изҳори тасаллӣ ирсол намуданд.