Рӯзномаи арабии “Арабюнз” ҳафтаи гузашта ба нақл аз Акрам Каримӣ Сафири фавқулода ва мухтори Ҷумҳурии Тоҷикистон дар Подшоҳии Арабистони Саудӣ навишт, ки Тоҷикистон хостори наздик шудан ба Арабистони Саудӣ аст. Ин рӯзнома таъкид мекунад, ки сафири тоҷик бо шарики муҳим хондани Арабистони Саудӣ хостори густариши равобит миёни ду кишвар мебошад.

Сафири Тоҷикистон дар Арабистони Саудӣ Акрам Каримӣ чунин кардааст: “Мо Арабистонро як шарики муҳим дар назар мегирем ва ба дунболи тақвияти ҳамкорӣ дар тамоми бахшҳо ҳастем”.

Сафири Тоҷикистон дар маросиме, ки дар Кохи Фарҳанг баргузор гардид, ба таърихи муносибатҳои ду кишвар ишра намуда, таъкид кардааст, ки “33 сол аст, кишвари ман бо қудрат ва ирода барои ҳифзи истиқлол ва ҳокимияти худ ва дастёбӣ ба дастовардҳо дар масири пешрафт ҳаракат мекунад”.

Дар зимн, сафири Тоҷикистон аз пуштибонӣ ва ҳимояти молии Арабистони Саудӣ дар робита ба муассисаҳои молӣ, монанди Бонки рушди исломӣ, Сандуқи рушди Арабистон ва Маркази имдод ва иқдомоти башардӯстонаи Малик Салмон сипосгузорӣ кардааст.

 “Мо бо бародарони саудии худ барои тақвияти ҳамкориҳои тиҷоратӣ, иқтисодӣ ва сармоягузорӣ байни ду кишвар ҳамкорӣ мекунем ва муштоқона мунтазири ҳузури сармоягузории матлуби Арабистон дар Тоҷикистон ҳастем” – гуфтааст сафир Акрам Каримӣ.

Dialog.tj