Дар доираи сафари корӣ Эмомалӣ Раҳмон, президенти кишвар дар шаҳри Истаравшан корхонаи истеҳсоли антифризи Ҷамъияти дорои масъулияти маҳдуди “Кули Сарез” – ро мавриди истифода қарор доданд.

Гуфта мешавад, ки корхонаи мазкур бо мақсади ноил шудан ба ҳадафи чоруми миллӣ - саноатикунонии босуръати кишвар аз ҷониби соҳибкори маҳаллӣ Дилшод Холмаҳмадов, бо харҷи наздики як миллион сомонӣ бунёд ёфтааст.

Масоҳати умумии корхона 22 сотиқ буда, он дорои анбори нигоҳдории ашёи хом,  маҳсулои тайёр, ошхона ва иншооти ёрирасон мебошад. Дар он 17 нафар сокинони маҳаллӣ, ки 9 нафари онҳоро занҳо ташкил медиҳанд, бо ҷойи кор таъмин шудаанд.

Бояд гуфт, иқтидори истеҳсолии корхона дар як сол 310 тонна антифриз мебошад. То замони бунёди ин корхона маҳсулоти антифриз аз хориҷи кишвар ворид мегардид.

Dialog.tj