Дар доираи сафари расмӣ ба шаҳри Истаравшан президенти кишвар Эмомалӣ Раҳмон бинои таълимӣ ва мактаб-интернати кӯдакони ятиму бепарастори шаҳри Истаравшанро ифтитоҳ намуданд.

Бинои мактаб-интернат дар чорчӯби сиёсати иҷтимоии Ҳукумати Ҷумҳурии Тоҷикистон аз тарафи гурӯҳи соҳибкорон бунёд шуда, дар доираи он дастрасии ятимон бо таҳсили босифат таъмин мегардад.

Бинои таълимӣ бо 16 синфхонаи муҷаҳҳаз бо лавозимоти хониш бо тарҳи муосир сохат шуда, барои 520 нафар шароити хуби таҳсил фароҳам шудааст.

Қобили зикр аст, ки фаъолияти китобхонаҳои электронӣ ва анъанавӣ, кабинетҳои фаннӣ, синфхонаҳои компютерии пайваст бо шабакаи интернет ба ташаккули донишу маънавиёти хонандагон мусоидат менамояд.

Сарвари кишвар Эмомалӣ Раҳмон барои фароҳам овардани шароити мусоид ва таълиму тарбия дар Мактаб-интернати шаҳри Истаравшан ба гурӯҳи соҳибкорон изҳори сипос намуда, иқдоми онҳоро намунаи олии инсондӯстӣ ва ҷонибдорӣ аз сиёсати иҷтимоии Роҳбари давлат маънидод намуданд.

Дар ҳамин ҷо Сарвари кишвар аз тариқи фосилавӣ 4 иншооти дигари соҳаи маорифро, ки дар шаҳру ноҳияҳои Истаравшан, Панҷекент ва Кӯҳистони Мастчоҳи вилояти Суғд сохта шудааст, мавриди истифода қарор доданд.

Dialog.tj