Ҳайати вакилони Маҷлиси намояндагони Маҷлиси Олии Ҷумҳурии Тоҷикистон бо ҳайати Ассамблеяи парлумонии Созмони амният ва ҳамкорӣ дар Аврупо (САҲА) аз Дания мулоқот намуданд. Зимни мулоқот ҷонибҳо таъкид намуданд, ки зарурати фаъол намудани робитаи гурӯҳҳои дӯстии байнипарлумонӣ ба вуҷуд омадааст.

Ҷонибҳо бо таъкид ба муносибатҳои дуҷонибаи байни Тоҷикистон ва Дания оид ба таҳкими ҳамкорӣ байни мақомоти қонунгузории ду давлат табодули афкор намуданд.

Дар мулоқот ҳамчунин, масъалаҳои ҳамкории васеъ дар доираи САҲА бар асоси се ченаки асосӣ ҳамкории низомӣ-сиёсӣ, иқтисодӣ-муҳитизистӣ ва инсонӣ мавриди баррасӣ қарор гирифт.

Дар охир, ҷонибҳо масъалаҳои муҳимми қонунгузориро, ки ба амнияти обу энергетика ва рушди устувори иқтисодиву иҷтимоӣ мусоидат мекунанд, баррасӣ намуданд.

Dialog.tj