Аз 29 январ сар карда, вазорату идораҳо, ташкилоту муассисаҳо, мақомоти иҷроияи ҳокимияти давлатии Вилояти мухтори Кӯҳистони Бадахшон, Вилоятҳои Суғд Ва Хатлон, Шаҳри Душанбе ва шаҳру ноҳияҳои ҷумҳурӣ барои ҷамъбасти фаъолият дар Соли 2023 нишастҳои матбуотӣ доир хоҳанд кард.

Нақшаи ташкил ва гузаронидани нишастҳои матбуотӣ Аз Ҷониби Роҳбари дастгоҳи Иҷроияи Президенти Ҷумҳурии Тоҷикистон тасдиқ карда шуд, ки тибқи он нишастҳои матбуотӣ 29 январ оғоз ефта, 16 феврал ба анҷом мерасанд.

Дар ҷараени нишастҳои матбуотӣ, ки дар рӯзҳои корӣ аз ҷониби вазорату идораҳо гузаронида мешаванд, намояндагони воситаҳои ахбори омма имконият доранд, ки ба саволҳои худ ҷавоб гиранд.

Масъулини вазорату кумитаҳо, ташкилоту муассисаҳое, ки фаъолияти худро дар Ҳудуди Шаҳри Душанбе амалӣ менамоянд, бояд вақти баргузории нишастҳои матбуотиро бо НИАТ "Ховар" мувофиқа намоянд.

Телефонҳои тамос: 238-54-23, 888-08-34-04, 946-04-00-00.

Дар рӯзҳои корӣ дар СОМОНАИ НИАТ Ховар — www.khovar.tj дар бораи вақт ва ҷои баргузории нишастҳои матбуотӣ ба забонҳои тоҷикӣ ва русӣ эълонҳо нашр мешаванд.

Манбаъ: НИАТ Ховар