Ҳизби Русияи воҳид, ки ҳукумати Владимир Путин бар асоси он шакл гирифтааст, бо гирифтани 35 курсӣ дар Думаи давлатӣ рекорди таърихӣ гузошт.

Ҳизби ҳокими Русия, ки аз ҳукумати феълии Русия ба раҳбарии Владимир Путин ҳимоят мекунад, бо ба даст овардани 355 курсӣ аз маҷмуи 450 курсии Думаи давлатӣ рекорди таърихӣ гузошт.

Раиси Комиссияи марказии интихоботи Русия гуфт, ки ҳизби Русияи воҳид 57, 83 фоизи овозҳоро ба даст овардааст.

Ин шуморае, ки Ҳизби Русияи воҳид ба даст овард, баландтарин натиҷа дар таърихи фаъолияти ин ҳизб мебошад.

Тибқи натиҷаҳои аввалияи шумориши оро, чор ҳизби дигар низ ба парлумон роҳ ёфтанд. Ҳизби коммунист 13, 81 фоиз, Ҳизби либералӣ-демократии Русия (ЛДПР) тақрибан 8, 98 фоиз ва Ҳизби Мардуми нав 7, 96 фоизи овозҳоро ба даст оварданд. Ҳизби Русияи одил бо овози хеле кам аз ҳадди панҷфоизӣ ба парлумон роҳ ёфт.

Раиси Комиссияи марказии интихоботи Русия гуфт, сатҳи ширкати интихобкунандагон дар интихоботи Думаи давлатӣ 59,32 фоизро ташкил додааст. Дар маҷмуъ, беш аз 62 миллион шаҳрванди Русия дар интихобот ширкат кардаанд.

Dialog.tj