Вазирони иқтисод ва савдои кишварҳои узви Созмони ҳамкории Шанхай рӯзи 17-уми сентябр дар ҷаласаи 25-уми созмони мазкур роҳҳои густариши тиҷорат, сода кардани расмиёти гумрукӣ ва таҳким додани роҳҳои интиқоли молу колоро мавриди баррасӣ қарор доданд.

Дар ин бора расонаҳо хабар дода, мегӯянд, ки дар ин ҷаласа вазирон ва намояндагони иқтисод ва тиҷорати кишварҳои узви созмон вазъияти ҳамкориҳои иқтисодиву тиҷоратиро баррасӣ намуда, густариши робитаҳои тиҷоратиро баррасӣ намуданд.

Намояндаи иқтисодиву тиҷоратии Ҳиндустон Яшвир Сингх дар ин ҷаласа гуфтааст, ки кишварҳои узв имконияти назарраси рушди тиҷорати дохилисозмониро доро мебошанд. Тибқи гуфтаи ӯ, коҳиши хароҷоти тиҷорат, таҳким ёфтани занҷираҳои таъминот ва рушди роҳҳои нақлиёт метавонад ба истифодаи бештари имкониятҳо мусоидат намояд. Ҷонибҳо дар ин нишаст ба рақамикунонии тиҷорат таваҷҷуҳ зоҳир намуданд.

Вазирон ва намояндагони кишварҳои узви Созмони ҳамкории Шанхай ба зарурати ҳамкории бештар дар соҳаҳои кишоварзӣ, коркарди маъданҳои муҳим, дорусозӣ, саноат ва энергетика  таъкид намуданд.

Дар фарҷоми ҷаласа вазирон ва намоянагони иқтисод ва савдои кишварҳои узви Созмони ҳамкории Шанхай “Изҳорти вазирони кишварҳои узви Созмони ҳамкории Шанхай оид ба фаълияти иқтисодии хориҷӣ ва тиҷорати хориҷӣ”-ро қабул намуданд.

Dialog.tj