Сергей Лавров, вазири корҳои хориҷии Русия бо ишора ба он ки Маскав қасди ҳамла ба кишварҳои аврупоиро надорад, гуфт, ки дар сурати ҳамлаи Аврупо ба Русия ҷанг “комилан дигар” ва “хеле кӯтоҳ” хоҳад буд.

Тибқи гузориши расонаҳо, Сергей Лавров, вазири корҳои хориҷии Федератсияи Русия рӯзи чоршанбе дар Фестивали ҷаҳонии ҷавонон дар шаҳри Екатерингбург афзуд, Русия борҳо таъкид намудааст, ки қасди ҳамла ба кишварҳои аврупоиро надорад ва чунин иқдом барои Маскав ҳич манфиате дар пай нахоҳад дошт.

“Аммо агар Аврупо, ки пайваста дар бораи омодагӣ ба ҷанг бо Русия сухан мегӯяд, ба Федератсияи Русия ҳамла кунад, ин ҷанг комилан дигар ва хеле кӯтоҳ хоҳад буд”- зикр мекунад Сергей Лавров.

Бар асоси иттилои ӯ, Русия ҳадафи рӯёрӯйӣ бо Аврупоро надорад ва ин мавқеъ борҳо аз ҷониби мақомоти ин кишвар, аз ҷумла аз ҷониби Владимир Путин, раиси ҷумҳури Русия баён шудааст.

Вазири корҳои хориҷии Федератсияи Русия таъкид кард, ки Аврупо кайҳо боз роҳи таҳрими Русияро интихоб намудааст ва густариш додани НАТО ба ҷониби марзҳои Русияро намунаи рӯшани ин амал донист.

Dialog.tj