Дар қаламрави Ҷумҳурии Тоҷикистон аз 14-уми сентябр амалиёти «Автобус» оғоз шуда, то 23-юми сентябр давом меёбад.

Раёсати бозрасии давлатии автомобилии Вазорати корҳои дохилӣ хабар дод, ки амалиёти «Автобус» бо мақсади пешгирии ҳодисаҳои роҳу нақлиёт, баланд бардоштани сатҳи хизматрасонӣ ба мусофирон, беҳтар намудани ҳолати техникии воситаҳои нақлиёт, ба низом даровардани ҳаракати воситаҳои нақлиёт, махсусан, воситаҳои нақлиёти мусофирбар, инчунин, таъмини риояи талаботи Қоидаҳои ҳаракат дар роҳ баргузор мегардад.

Гуфта мешавад, ки дар ҷараёни амалиёти мазкур аз ҷониби кормандони БДА назорати риояи талаботи Қоидаҳои ҳаракат дар роҳ, ҳолати техникӣ, сатҳи хизматрасонии воситаҳои нақлиёти мусофирбар, инчунин, дигар талаботи муқарраргардида пурзӯр карда мешавад.

“Аз роҳбарони корхонаҳо ва ҷамъиятҳое, ки ба интиқоли мусофирон машғул мебошанд, даъват карда мешавад, ки дар давраи гузаронидани амалиёти «Автобус» ва минбаъд низ ба риояи қатъии талаботи Қоидаҳои ҳаракат дар роҳ, таъмини ҳолати хуби техникии воситаҳои нақлиёт ва риояи интизоми ронандагон таваҷҷуҳи ҷиддӣ зоҳир намоянд”, - навиштааст манбаъ.

Dialog.tj