Бинобар иттилои маркази матбуоти Вазорати фарҳанги Ҷумҳурии Тоҷикистон, ҳунармандони ҷавони Сирки давлатии Тоҷикистон дар Фестивали байналмилалии «Ҳунарманд» соҳиби ҷойи сеюм гардиданд.

Манбаъ навиштааст, ки аз 10-ум то 13-уми сентябри соли равон дар Сирки Никулини шаҳри Маскав Фестивали чоруми байналмилалии «Ҳунарманд» баргузор гардид.

Гуфта мешавад, ки дар фестивали мазкур ҳунаромӯзони студияи сирки назди Муассисаи давлатии «Сирки давлатии Тоҷикистон» бо барномаи гимнастикаи ҳавоӣ дар лангар (якор) иштирок намуданд. Рашидбекова Самина ва Салимзода Омина таҳти роҳбарии мураббӣ Мастона Собирова бо маҳорати баланди касбӣ баромад намуда, сазовори ҷойи сеюм гардиданд.

“Ин дастоварди ҳунармандони ҷавон дар арсаи байналмилалӣ нишонаи рушди маҳорати касбии насли наврас ва муаррифгари шоистаи санъати сирки Тоҷикистон мебошад”, - навиштааст манбаъ.

Dialog.tj