Маркази миллии тестии назди Президенти Ҷумҳурии Тоҷикистон хабар дод, ки муҳлати давраи сеюми бақайдгирии довталабон барои иштирок дар имтиҳонҳои марказонидаи дохилшавӣ ба муассисаҳои таълимии таҳсилоти миёна ва олии касбии Ҷумҳурии Тоҷикистон (ИМД) 15-уми сентябр тамдид карда шуд.

Манбаъ дар сомонаи расмии худ навиштааст, ки сабаби тамдиди муҳлат зиёд будани шумораи хоҳишмандон дар нуқтаҳои бақайдгирӣ мебошад.

Гуфта мешавад, ки барои бақайдгирии давраи сеюми ИМД дар баъзе аз муассисаҳои таълимии таҳсилоти миёна ва олии касбӣ ҷойҳои иловагии холӣ эълон шудааст, ки рӯйхатошон дар сомонаи Маркази миллии тестӣ гузошта шудааст.

Иттилоъ дода мешавад, ки реҷаи кор дар нуқтаҳои бақайдгирӣ аз соати 08:00 то 17:00 муқаррар шуда, довталабон метавонанд рӯйхати нуқтаҳои бақайдгириро дар сомонаи марказ пайдо кунанд.

Dialog.tj