Доналд Трамп, раиси ҷумҳури Амрико, муддаӣ шудааст, ки ҷанг бо Эрон пас аз баргузории интихоботи миёндавраии ин кишвар дар аввалҳои моҳи ноябр фавран поён хоҳад ёфт ва қимати нафт низ пас аз интихобот коҳиш пайдо мекунад.

“Ал-Ҷазира” рӯзи чаҳоршанбе, 9-юми сентябр, гузориш дода, ки Трамп дар гуфтугӯ бо хабарнигорон ин изҳоротро матраҳ кардааст.

Трамп гуфта, ки Амрико ба дунболи тавофуқ бо Эрон нест, аммо эҳтимоли баргузории музокирот миёни ду тарафро рад накардааст.

Ӯ дар бораи равобити Амрико ва Исроил низ гуфта, ки қарор аст бо мақомҳои исроилӣ дар бораи таҳримҳои ахир алайҳи шаҳракҳои ғайриқонунӣ дар Каронаи Бохтарии ишғолӣ гуфтугӯ кунад.

Изҳороти Трамп дар ҳоле матраҳ мешавад, ки танишҳо дар минтақаи Ховари Миёна ҳамчунон идома дорад ва ояндаи ҷанг ва музокироти эҳтимолӣ миёни Амрико ва Эрон норавшан аст.

Раиси ҷумҳури Амрико ҷузъиёти бештаре дар бораи чӣ гунагии поёни ҷанг ё музокироти эҳтимолӣ ироа накардааст.

Dialog.tj