Чемпиони вазни ниммиёнаи UFC Ислом Махачев дар мусоҳиба бо «Матч ТВ» гуфт, ки барои муҳориба бо Конор Макгрегор омодааст.

“Ба наздикӣ дар мусобиқаи Zuffa Boxing будам. Он ҷо бо Турк Ал эш-Шейх суҳбат кардам. Он кас гуфт, ки ният дорад бокси ману Конор Макгрегорро ташкил кунад. Ман розӣ шудам ва танҳо гуфтам, ки бояд бо Дана Уайт, роҳбари UFC маслиҳат кунад, зеро ҳоло бо ташкилоти ӯ шартнома дорам.

Чемпиони UFC дар мавриди муҳорибаи навбатиаш чунин гуфт: “Ман ният дорам, ки пеш аз моҳи Рамазон як муҳорибаи дигар гузаронам. Қарори UFC-ро дар бобати ташкили муҳориба интизорам, ҳоло сана ва рақиб маълум нест”.

Ҳамчунин, Ислом Махачев дар мавриди размкори қазоқистонӣ Шавкат Раҳмонов гуфт, ки ӯ низ яке аз довталабон аст, вале муддати тӯлонӣ муҳориба нагузарондааст ва ҳоло ҷароҳат дорад. Чемпион қайд намуд, ҳоло ду довталаб Карлос Пратес ва Майкл Моралес ҳаст ва UFC муайян мекунад, ки кадомаш барои камарбанд меҷангад.

Dialog.tj