Дар доираи даври чоруми мусобиқаи Ла Лигаи Испания бошгоҳҳои “Реал Мадрид” ва “Бетис” бо ҳам рақобат карданд.

Бошгоҳи шоҳона дар мавсими нав аввалин бохти худро ба қайд гирифт.

Новобаста аз оне ки бозӣ дар майдони “Бетис” баргузор гашт, футболбозони “Реал Мадрид” дар даври якум аз ҳама ҷиҳат бартарӣ доштанд. Аммо бозӣ дар даври дуюм ҳал шуд. Футболбози “Бетис” Трой Парротт дар дақиқаи 81-ум ба дарвозаи “Реал Мадрид” гол зад. Пас аз панҷ дақиқа футболбози ҷавони дастаи шоҳона Карлос Эспи аз партофти Вини Ҷуниор тӯбро ба дарвозаи “Бетис” ворид намуд, вале ҳолати нобозӣ ба қайд гирифта шуд ва гол бекор гардид. Дар дақиқаи 90+4 Вини Ҷуниор зарбаи 11-метра кор кард, вале ситораи асосии дастаи “Реал Мадрид” Килиан Мбаппе шонсашро истифода бурда натавонист ва аз зарбаи 11-метра гол назад. Ҳамин тавр, бозӣ бо ҳисоби 1:0 ба фоидаи “Бетис” ба анҷом расид.

Пас аз бозӣ сармураббии бошгоҳи “Реал Мадрид” Жозе Моуриню шогирдонашро таъриф кард, ки бозии хуб нишон доданд ва аз ҳисоби тӯбдорӣ ва зарбазанӣ лоиқи ғолиб шудан буданд.

Dialog.tj