Омори қурбониёни селҳои маргбори чанд рӯзи пеш дар Непал ба 1 252 ҷонбохта ва беш аз 4 200 нопадидшуда афзоиш ёфтааст.

“Анадолу”, рӯзи панҷшанбе, 3-юми сентябр, гузориш додааст, ки хонаводаҳо дар Непал барои ҷонбохтагон маросими видоъи рамзӣ баргузор мекунанд, дар ҳоле ки бисёре аз осебдидагон дар чандин минтақа ҷойе барои баргузории маросими сӯгвориро надоранд.

Бар асоси гузориш, теъдоди умумии кушташудагон дар Непал ва Чин ба 1 273 тан афзоиш ёфтааст.

Дар ҳамин ҳол, мақомоти маҳаллии Чин гуфтаанд, ки дар пайи ҷорӣ шудани сели маргбор, 21 нафар дар ин кишвар ҷон бохта ва 541 нафар ҳамчунон нопадид ҳастанд, аз ҷумла 261 шаҳрванди хориҷӣ.

Сели вайронгар дар Непал нӯҳ рӯз пеш рух дод, замоне ки як пирях дар кӯҳи Лангтанг шикаст ва ба ҷараёни азими сел ва об дар водиҳои доманаи кӯҳ мубаддал шуд.

Dialog.tj