РУС ТОҶ
27 Сентябр 2026,
якшанбе, 19:06, Душанбе
Диалог. Тоҷикистон ва ҷаҳон
РУС ТОҶ
Матолиби ҷолиб дар ВАО
03.09.2026 13:24

СААД мегӯяд интиқоли таҷҳизоти низомӣ ба Тоҷикистон тирамоҳ оғоз мешавад

Таалатбек Масодиқов, дабири кулли Созмони аҳдномаи амнияти Дастҷамъӣ (СААД) мегӯяд, марҳилаи аввали интиқоли силоҳу таҷҳизоти низомӣ барои таҳкими марзи Тоҷикистон бо Афғонистон тирамоҳи соли 2026 сурат хоҳад гирифт. Тибқи иттилои ӯ, ин иқдом дар доираи барномаи панҷсолаи СААД амалӣ мешавад.

Таалатбек Масодиқов гуфт, ки рӯйхати силоҳ ва таҷҳизоти зарурӣ барои Тоҷикистон миёни кишварҳои узви СААД ва таъминкунандагон мувофиқа шудааст. Ӯ таъкид намуд, ки ин рӯйхат ҳам таҷизоти марговар ва ҳам воситаҳои тағйири марговарро дар бар мегирад. Интизор меравад аввалин қисмати ин таҷҳизот тирамоҳи имсол ба Тоҷикистон ирсол шавад.

Дабири кулли СААД амнияти марзи Тоҷикистон бо Афғонистонро на фақат масъалаи Тоҷикистон, балки яке аз масъалаҳои муҳимми амнияти кишварҳои узви ин созмон арзёбӣ намудааст.

Бар асоси иттилои ӯ, марзи Тоҷикистону Афғонистон ба минтақаи ҷанубии масъулияти амниятии кишварҳои узви СААД наздик аст ва ҳар гуна нооромӣ  дар он метавонад ба дигар давлатҳои минтақа таъсир расонад.

Таалатбек Масодиқов афзуда, Русия дар таъмини Тоҷикистон бо силоҳ ва таҷҳизоти зарурӣ нақши асосиро бар уҳда хоҳад дошт. Ба гуфтаи ӯ, Маскав бо вуҷуди мушкилоти мавҷуд дар соҳаҳои истеҳсол ва таъминоти силоҳ омодагии худро барои расондани кумак ба Тоҷикистон ва дигар кишварҳои узви СААД баён кардааст. Дабири кулли СААД ҳамзамон таъкид намуд, ки раванди таҳкими марз бояд ҳарчи зудтар пеш бурда шавад.

Dialog.tj

 

Хатти хабарҳо

Матолиби ҷолиб дар ВАО
26.09.2026 19:14

Фишори Трамп ба Зеленский барои дидор бо Путин дар Маскав

Доналд Трамп, раиси ҷумҳури Иёлоти Муттаҳида, аз Владимир Зеленский, раиси ҷумҳури Украина, хостааст барои мулоқот бо Владимир Путин ва талош барои азсаргирии музокироти сулҳ ба Маскав сафар кунад.
Фарҳанг
26.09.2026 12:39

Сумбул Лутфуллоева: “Барои ба дил расидан, дардро бояд ҳис кард”

Сумбул Лутфуллоева метавонист имрӯз муҳандис-технолог бошад, аммо муҳаббат ба сурудхонӣ ӯро ба саҳна овард. Ӯ Академияи давлатии Маскавро хатм кардааст, аммо имрӯз дар Консерваторияи миллии Тоҷикистон таҳсил мекунад ва роҳи худро дар ҷаҳони мусиқӣ мекобад. Финалисти Озмуни «Мисс Душанбе» ва барандаи ҷойи сеюми Озмуни ҷумҳуриявии «Тоҷикистон — Ватани азизи ман» аст.
Ҷаҳон
26.09.2026 12:24

Афви байналмилал: нодида гирифтани ҳукми боздошти Нетаняҳу аз сӯйи ИМА шармовар аст

Созмони Афви байналмилал мегӯяд, дар ҳоле ки Бенямин Нетаняҳу, нахуствазири Исроил, ба иттиҳоми ҷиноятҳои ҷангӣ ва ҷиноятҳо алайҳи башарият таҳти пайгарди Додгоҳи байналмилалии ҷиноӣ қарор дорад, ӯ ба ҷойи ҳозир шудан дар додгоҳ дар Маҷмаи умумии Созмони Милали Муттаҳид дар Ню-Йорк суханронӣ мекунад.
Ҷаҳон
26.09.2026 10:08

Гутерриш: “Ҳатто пас аз поёни маъмуриятам аз сулҳ ва каромати инсонӣ ҳимоят хоҳам кард”

Антониу Гутерриш, дабири кулли Созмони Милали Муттаҳид, эълон кардааст, ки ҳатто пас аз поёни маъмурияташ ба ҳайси дабири кулли ин созмон, ба ҳимоят аз сулҳ, каромати инсонӣ ва волоияти қонун идома хоҳад дод.
Афғонистон
26.09.2026 10:02

Ҷабҳаи озодии Афғонистон аз кушта ва захмӣ шудани панҷ ҷангҷӯйи Толибон дар Сарипул хабар дод

Ҷабҳаи озодии Афғонистон эълон кардааст, ки дар пайи ҳамлаи низомии неруҳои ин ҷабҳа дар вилояти Сарипули Афғонистон, панҷ ҷангҷӯйи Толибон кушта ва захмӣ шудаанд.
Сиёсати хориҷӣ
25.09.2026 18:20

Сарвари давлат ба Қосим-Жомарт Токаев барқияи изҳори тасаллӣ ирсол намуданд

Имрӯз, 25-уми сентябр Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба президенти Ҷумҳурии Қазоқистон Қосим-Жомарт Токаев барқияи изҳори тасаллӣ ирсол намуданд.