Полиси Русия дар вилояти Калуга 8 шаҳрванди Тоҷикистонро барои вайрон кардани қоидаҳои будубош депорт кардаанд.

Тибқи иттилои расонаҳои русӣ, мақомоти Русия дар вилояти Калуга 40 шаҳрванди хориҷиро депорт кардаанд, ки дар миёни онҳо 8 шаҳрванди Тоҷикистон низ будаанд. Мақомоти Русия мегӯянд, ин афрод қоидаҳои вуруд ё низоми будубош дар ин кишварро вайрон кардаанд.

Дар нимаи дуюми моҳи августи соли 2026 кормандони Хадамоти иҷроияи судии вилояти Калуга қарорҳои депорти 40 шаҳрванди хориҷиро риоя кардаанд. Бар асоси иттилои ин ниҳод, дар миёни депортшудагон 15 шаҳрванди Ӯзбекистон, 9 шаҳрванди Ветнам ва 8 шаҳрванди Тоҷикистон будаанд.

Инчунин, 2 шаҳрванди Қазоқистон, 2 шаҳрванди Арманистон ва 2 шаҳрванди Беларус низ аз Русия депорт шудаанд. 1 шаҳрванди Молдова ва 1 шаҳрванди Озарбойҷон низ ба кишварҳои хориҷӣ фиристода шудаанд.

Мақомоти Русия мегӯянд, сабаби ихроҷи ҳамаи ин афрод нақзи қоидаҳои вуруд ба Русия ё вайрон кардани низоми будубош дар кишвар будааст.

Тибқи иттилои Хадамоти иҷрои судӣ, барои ҳар яке аз ин шаҳрвандон ҷарима таъйин шуда, баъдан қарор дар бораи депорти онҳо қабул шудааст.

Депорти шаҳрвандони хориҷӣ аз Русия дар ҳолест, ки мақомоти ин кишвар барои назорати риояи қоидаҳои муҳоҷират чораҳои сахттар меандешанд.

Dialog.tj