Раиси Кумитаи ҳифзи муҳити зисти назди Ҳукумати Ҷумҳурии Тоҷкистон Баҳодур Шерализода бо вазири корҳои хориҷии Муғулистон ҳамзамон, президенти COP17 Батмунхийн Батсетсег мулоқот намуд.

Тавре ки маркази матбуоти Кумитаи ҳифзи муҳити зисти назди Ҳукумати Ҷумҳурии Тоҷкистон хабар медиҳад, мулоқоти мазкур дар ҳошияи баргузори иҷлосияи 17-уми Конфронси тарафҳои Конвенсияи Созмони Милали Муттаҳид оид ба мубориза бо биёбоншавӣ (UNCCD COP17) дар шаҳри Улан-Батор доир гардида, ҷонибҳо вобаста ба масъалаҳои ҳамкорӣ дар самти ҳифзи муҳити зист, тағйирёбии иқлим, захираҳои об ва мубориза бо биёбоншавӣ табодули афкор намуданд.

Манбаъ меафзояд, ки Баҳодур Шерализода аҳамияти саривақтии ташаббусҳои ҷаҳонии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмонро дар соҳаи обу иқлим, аз ҷумла Конфронси дар пешистодаи оби СММ, ки соли 2028 дар шаҳри Душанбе баргузор мегардад, баланд арзёбӣ карданд.

Ҳамчунин, ҷонибҳо омодагии худро барои ҳамкорӣ дар самти омодасозии мутахассисон барои соҳаи ҳифзи муҳити зист ва гидроэнергетика изҳор доштанд.

Dialog.tj