Рӯзномаи исроилии «Ҳааретс» гузориш додааст, ки теъдоди кӯдакони фаластинӣ, ки дар ҷараёни ҷанг дар Ғазза ҷони худро аз даст додаанд, аз 20 ҳазор нафар гузашт.

Ба навиштаи рӯзнома, ин рақам ба ҳисоби миёна ба марги тақрибан 28 кӯдак дар ҳар рӯз баробар аст. «Ҳааретс» ҳамчунин, бо ишора ба парвандаҳое, аз ҷумла кушта шудани Ҳинд Раҷаб ва як корманди ёрии таъҷилӣ дар Рафаҳ, артиши Исроилро ба анҷом надодани таҳқиқоти воқеӣ дар бораи куштори ғайринизомиён муттаҳам кардааст.

Бар асоси ин гузориш, то кунун ҳеч низомӣ ё афсари артиши Исроил барои ҳамлаҳои беасос алайҳи фаластиниҳо дар ҷараёни ҷанги Ғазза ба додгоҳ кашида нашудааст. Ин рӯзнома, инчунин, навиштааст, ки ҳудуди 2 ҳазор хонаводаи фаластинӣ пурра аз сабти аҳволи шаҳрвандӣ хориҷ шудаанд.

Dialog.tj