Маркази матбуоти Вазорати энергетика ва захираҳои оби Ҷумҳурии Тоҷикистон хабар дод, ки неругоҳи офтобии ноҳияи Ашт ба истеҳсоли аввалин киловатт-соатҳои неруи барқ оғоз намуда, неруи барқи истеҳсолшуда ба шабакаи барқии кишвар интиқол дода шуд.

"Ин рӯйдоди муҳим қадами ҷадид дар самти рушди манбаъҳои барқароршавандаи энергия, афзоиши иқтидорҳои истеҳсолӣ ва таҳкими заминаҳои энергетикии кишвар ба ҳисоб меравад", - навиштааст манбаъ.

Гуфта мешавад, ки корҳои сохтмонӣ дар неругоҳ моҳи ноябри соли 2025 оғоз гардида буданд ва ҳоло марҳилаи аввали неругоҳ ба истифода шуда, давоми соли ҷорӣ навбатҳои дигари он низ мавриди баҳрабардорӣ қарор мегиранд.

Иттилоъ дода мешавад, ки иқтидори неругоҳ 250 МВт буда, истеҳсоли миёнасолонаи неруи барқ 435 млн кВт·соат мебошад.

Зикр мегардад, ки иншооти мазкур аз ҷониби сармоягузори ватанӣ ҶДММ «Аён Энерҷӣ» ва паймонкор ҶСК «Тоҷикгидроэлектромонтаж» бунёд шуда истодааст.

Dialog.tj