Бинобар иттилои Раёсати Вазорати корҳои дохилӣ дар шаҳри Душанбе, аз 20-ум то 24-уми август дар Ҷумҳурии Чеченистони Федератсияи Россия 30-юмин мусобиқаи кушоди тактикӣ-тирпарронӣ байни кормандони воҳидҳои таъиноти махсус баргузор мегардад.

Гуфта мешавад, ки дар мусобиқаи мазкур Ҷумҳурии Тоҷикистонро дастаи алоҳидаи таъиноти махсуси милитсия «Шоҳин»-и Раёсати ВКД дар шаҳри Душанбе намояндагӣ мекунад.

"Дастаи «Шоҳин» дар доираи барномаи мусобиқа аз 11 намуди гуногуни омодагии тактикӣ ва тирпарронӣ бо дастаҳои кормандони воҳидҳои таъиноти махсуси иштирокчӣ қувваозмоӣ намуда, маҳорати касбӣ, омодагии ҷисмонӣ ва сатҳи баланди тахассусии худро нишон хоҳад дод", - наивштааст манбаъ.

Афзуда мешавад, ки иштироки дастаи «Шоҳин» дар чунин мусобиқаҳои байналмилалӣ барои баланд бардоштани таҷрибаи касбӣ, таҳкими ҳамкориҳои байналмилалӣ ва табодули таҷриба миёни воҳидҳои таъиноти махсуси кишварҳои гуногун заминаи мусоид фароҳам меорад.

Dialog.tj