Ҷаред Кушнер, домод ва намояндаи вижаи Доналд Трамп, раиси ҷумҳури Амрико, бо Халил ал-Ҳия, раҳбари Ҳамос, барои эҳёи тарҳи сулҳи Ғазза, ки аз ҷониби Исроил рад шудааст, дидор кардааст.

Хабаргузории “Франс”, субҳи рӯзи душанбе, 17-уми август, ин мавзуъро ба нақл аз манобеи огоҳ дар бораи ин дидор гузориш додааст.

Бар асоси гузориш, Кушнер дар ин дидор бар халъи силоҳи қобили таъйид, ки хостаи Бенямин Нетаняҳу, нахуствазири Исроил аст, таъкид кардааст.

Як манбаъ, ки ба далели ҳассосияти музокирот хоста номаш фош нашавад, гуфтааст: Кушнер хостори “гомҳои мушаххас ва қобили таъйид” шуда ва ин паёмро мунтақил кардааст, ки “Ғазза дигар ҳаргиз наметавонад манбаи террор барои Исроил бошад”.

Бо ин ҳол, Ҳамос эълом кардааст, ки аз миёнҷиён ва ҳайати сулҳи Трамп хостааст то Исроилро “маҷбур” ба “таъйиди нақшаи роҳ ва оғоз ба эҷоди як ҷадвали замонӣ барои иҷрои он” кунад.

Dialog.tj