Ҳамзамон бо панҷумин соли суқути Афғонистон ба дасти гурӯҳи террористии Толибон, Созмони Милали Муттаҳид эълом кардааст, ки ин гурӯҳ дар панҷ соли гузашта беш аз 100 фармони маҳдудкунандаи ҳуқуқи занонро содир кардааст.

Ин созмон рӯзи шанбе, 15-уми август гузориш додааст, ки маҳдудиятҳои Толибон бахшҳои гуногуни зиндагии занон, аз ҷумла омӯзиш, шуғл, рафтуомад, дастрасӣ ба хизматрасонии тандурустӣ ва адолатро дар бар мегирад.

Сюзэн Фергюсон, намояндаи вижаи бахши занони Созмони Милал дар Афғонистон, гуфтааст, ки Афғонистон бо “шадидтарин буҳрони ҳуқуқи занон дар ҷаҳон” рӯ ба рӯ аст.

Бар асоси гузориши Созмони Милал, аз 3200 зани афғон, 7 зан аз ҳар 10 зан вазъи солимии равонии худро бад ё хеле бад тавсиф кардаанд.

Созмони Милал ҳамчунин, гуфтааст, ки имсол беш аз 10,7 миллион зан ва духтар дар Афғонистон ба кумакҳои башардӯстона ниёз доранд.

Ин мавзуъ дар ҳоле матраҳ мешавад, ки ЮНЕСКО низ гуфтааст, занон аз зиндагии умумӣ дар Афғонистон “маҳв шудаанд” ва насли тозае аз духтарон бидуни омӯзиш дар ҳоли калон шудан аст.

Dialog.tj