Хизер Барр, пажӯҳишгари аршади бахши ҳуқуқи занон дар Дидбони ҳуқуқи башар, аз рӯйкарди давлатҳои ғарбӣ дар раванди музокирот бо гурӯҳи террористии Толибон интиқод кардааст.

Хизер Барр рӯзи ҷумъа, 14-уми август дар сафҳаи расмии худ дар шабакаи иҷтимоии “Х” навиштааст, ки Толибон акнун чашмандози ифротии худро барои ҷомеаи Афғонистон бар пояи сиёсатҳое пеш мебаранд, ки ӯ онро “апартеиди ҷинсӣ” тавсиф кардааст.

Ӯ гуфтааст, ки кишварҳои ғарбӣ, дар ҳоле ҳуқуқи занонро яке аз дастовардҳои муҳим ва рамзи муваффақияти худ дар Афғонистон муаррифӣ мекарданд, ки дар музокироте, ки дар ниҳоят ба тасаллути дубораи Толибон анҷомид, занони афғон аз ҳузур ва доштани намоянда дар мизи музокирот маҳрум шуданд.

Ин изҳорот дар ҳоле матраҳ мешавад, ки маҳдудиятҳои густурдаи Толибон алайҳи занон ва духтарони афғон, аз ҷумла дар заминаҳои таҳсил, озодии рафтуомад ва мушорикати иҷтимоӣ ва сиёсӣ, бо интиқодҳои густардаи байналмилалӣ рӯ ба рӯ шудааст.

Dialog.tj